कर्णली र महाकालीका फूलहरु ...
कर्णाली र महाकालीको सुसाईसँगै
फुलेका ति कलिला कोपिला ओइलाउदै छन
मलजल र असल मालीको अभावले
सुख्खा हावा अनी प्रचण्ड गर्मीको तापले
मिर्मिरेमा आशा लिई ब्युँतिन्छन
ब्युँताईसँगै लुटिन्छन, भुटिन्छन
दाउ छोपी छोपी चोर बिरालो झै
अखण्ड शोभा दिने भिरालो मै
ति फूलहरुलाई चिथारेर भाग्ने
रुप फेरी बटुवा भै बास माग्ने
ति पापी भवँराका हुलसँगै
पापको धारा बनी बग्ने मुलसँगै
बाँचीरहेका छन ति कर्णाली र महाकालीका
फुलीरहने कलिला फूलहरु,
घनघोर भित्र प्रताडित भै बाँच्ने
मौसमै पिच्छे दुख सहेरै नि रमाई नाँच्ने
ति निर्दोष फूलहरु स्वार्थको लागी
आफ्नो पुरुषार्थको लागी
चुँडाउदै यहाँका हरेक ढुँगालाई चढाईन्छन
बोटहरु ओईलिन नपाउँदै डढाईन्छन
जिबन के हो? मृत्यु के हो? जुनै मौसम फुलिदिने
राजामहाराजाको गलामा माला भै झुलिदिने
बेसहारा र अञ्जान ति फूलहरु
उनीहरुप्रति जानी जानी गरिईरहने भुलहरु
देख्दा देख्दा कसरी चुप लाग्न सक्छु
निर्दोष फूलको पिंडा बाट कसरीपो भाग्न सक्छु
हे फूल हो तिमीहरु कति बस्छौ चुपचाप
उठ अब तिमीहरुले आफ्नो रक्षार्थ जाग्ने बेला भयो
मागेर नपाईने खोसेर जाईलाग्ने बेला भयो
त्यसैले उठ जाग हे निर्दोष कलिला फूल हो
म सधैं तिमीहरुको रक्षार्थ लेखीरहने छु लडीरहने छु
म तिमीहरुकै लागी।
बि.जे. बान्तवा
ठुलो दुम्मा, भोजपुर
अत्यन्तै राम्रो छ । हो, अत्यन्तै राम्रो छ मात्रै भनेर वजनदार कबिको कलमलाई अपमान गर्न खोजेकी हैन । कबिता दोहोराई तेहराई जति पटक हेरे पनि भाव रुपी गहिराईको पिडसम्म पुग्न नसक्दा नतमस्तक छु ।
ReplyDeleteनिरन्तर चलिरहोस कलम
बनिरहोस घाउमा अचुक मलम
अभिरल बगिरहोस मसी
लागिरहोस भाग्यमा सुनको कसी
wa wa b j sir
ReplyDeletekawita ramro rastriy tale jhalkane bhaw purn janta nirda prati sajg garaieko mitho prastuti bj sa thanks alot,,,,
ReplyDeleteKati mitho ani saral bhaawa,, dherai na mthi gahantako bisaya thank you Bj g..
ReplyDelete