कबिता

पश्चताप

आज फेरी पिउनै नहुने नशा पो पिएछु क्यारे !
म बसेको ठाउँ र मेरो बस्ती सबै घुमिरहेको छ ।
आज फेरी अथाह पिडाले धेरै रोएछु क्यारे !
जहाँ जान्छु, जता बस्छु उतै रुझीरहेको छ ।

आज मैले गर्नै नहुने महागल्ती पो गरेछु क्यारे !
सम्मै बाटो पनि भिरालो र ओह्ररालो लागिरहेछ ।
आज मैले फेरी आफनो हैसियत गुमाएछु क्यारे !
जहाँ टेक्छु, जता टेक्छु उतै धर्ती भास्सिरहेछ ।

आज मैले छुनै नहुने मान्छेलाई पो छोएछु क्यारे !
मेरा निरिह हात र निर्दोष मुटु थरथर कामिरहेछ ।
आज मैले फेरी सुनाउनै नहुने कुरा सुनाएछु क्यारे !
जसरी भन्छु, जे सुन्छु सबै निरशीलो लागिरहेछ ।

आज फेरी चुम्नै नहुने ओठमा पो चुमेछु क्यारे !
मेरा सापती मागेको एक जोर ओठ उदासीरहेछ ।
आज मैले फेरी हेर्नै नहुनसंग आखाँ जुधाएछु क्यारे !
जसरी बाल्छु, जे बाल्छु सबै तिर अध्यारो लागिरहेछ ।

छक्कु "उदासी"
म्याग्दी नेपाल
हाल: टोकियो जापान