कविता

तिहार......

चारैतिर फुलेहोलान सयपत्री र मखमली
कुर्दैहोलन बाटो मेरो देवी अनि देउराली

सप्तरंगी टिकामुछी राख्यौ होला टपरीमा
गास्दै हौली फुलको माला माइती आउने आसमा

बले होलान चारैतिर मैन बत्तीका तातीहरु
आए होलान भैलो खेल्न घरमा मेरो साथीहरु

आए भने हास्नु चेली माइती आयो भनि
आइन भने नरुनुहै माइती ढल्यो भनि

खट्दै छु है तातो घाममा पसिनाले भिजे पनि
अर्को साल पक्कै आउछु साउको ऋण बाँकि रहे पनि ........

सन्तोष रसाइली
फाक्क्तेप -दुइ
पाँचथर
email roj.santosh@yahoo.com