"क्रीस्मस अनि म"
-राज रोबर्ट अजनबी सुब्बा
म त यलम्बरको सन्तान
मेरो आगनीमा मङेना नै नाच्ने
तर क्रीस्मस.......!
तिमी किन यति प्यारो लाग्दै छौ?
तिम्रो ती अन्तराहरुमा
मेरो पाउ किन नाच्न खोज्दै छन्?
कि त तिम्रो प्रेमहरुले
"म" तिमी प्रति समर्पित हुदै छु
कि त तिम्रो माटोहरुमा
सकेला चसोक फुल्दै नफुल्ने
यथार्थको पिडादायी पल भोगिरहेछु।
तिमी यसरी नबिझ मेरो मुटुमा
उसै पनि म तिमीलाई प्रेम गर्छु
तर म त तगेरा निङ्वाफु माङको सेबक
तिमीलाई कसरी अगाल्न सक्छु र?
कृस्मस,तिमीले मेरो मर्म बुझिदेऊ
मैले माङ्सेवा गर्नु पर्छ फक्ताङ्लुङमा
मैले आ_सेवा गर्नु पर्छ चोमोलुङमा
मलाई माफ गर है.........
म तिमीलाई आफ्नो बनाउन सक्दिन।
तर पृय क्रीस्मस ........
साच्चै म तिमीलाई प्रेम गर्छु
तेसैले तिमी आऊ
म आदिबासीको आगनीमा
स्वागत छ तिमीलाई
क्रीस्मस......! तिमीलाई,
आफ्नो बनाएर
अगाल्न नसके नि
सङाल्न नसके नि
हृदय खोलेर यो खुशीमा
मुक्त कन्ठले अबस्य भन्ने छु
ह्यपी क्रीस्मस !
वीस् मेरी कृस्मस!!
-मामाखे, ताप्लेजुंग
ईमेल: atm_sms6pal@yahoo.com
Somehow, not only for Christmas, But all the long year through, The joy that you give to others, Is the joy that comes back to you. And the more you spend in blessing, The poor and lonely and sad, The more of your heart's possessing, Returns to you glad.
ReplyDeletemarryx-mass Raj jee...
hai raj kabita dami chha,
ReplyDeleteranju moktan