कबिता

" मलाई मुक्तिका लागि मर्न देऊ.............!!!"

आमा! मेरो छातीमा संगिन हरु रोपिदा
आमा! मेरो मुटुमा बन्दुकको नाल ठोकिदा
तिम्रो खुसीका दिन आउछन पक्कै
त्यसैले आमा ! मलाई सहन सक्ने मुटु देऊ ।
आमा ! मेरा हातहरु हत्कडीले कसिदा
शिखर चुम्ने खुट्टाहरु नेलले रोकिदा
तिम्रो बन्धन चुडिन्छन् पक्कै
त्यसैले आमा! मलाई बाधिन देऊ ।
आमा! मेरो चौवन्दी चोली सवै च्याँतिंदा
आमा! मेरो फरिया हरु कतै खोसिदा
गरिबका झुपडिमा उज्यालो आउछ पक्कै
त्यसैले आमा! स्वीकार्ने मलाई सहास देऊ ।
आमा! तिम्री छोरीहरु जिउदै पुरिदा
आमा! तिम्रो छोरा हरु भोकै राखि मारिदा
शोषित को बस्तीमा रातो घाम लाग्छ पक्कै
त्यसैले आमा! शहिद बने भने आशु नझारिदेऊ ।
आमा! मेरो वलिदान ले रातो झण्डा फहराउदा
आमा! मेरो रगतले मेचीकाली रंगाउदा
यो देशले मुक्ति पाउछ पक्कै
त्यसैले आमा! सगरमाथा बन्न सक्ने आट देऊ ।
आमा! मलाई बाधेर जेल भित्र राखिदा
ब्यारेक र हिरासतमा मेरो इज्जत लुटिदा
न्यायको घाम लाग्छ पक्कै
त्यसैले आमा! सहन सक्ने शक्ति देऊ ।
आमा रातो रगतले इतिहास यो कोरिदा
लास अनि कंकालले ट्रेन्ज बंकर भरिदा
यस्तै वलिदानले गरिबको दिन आउँछ पक्कै
त्यसैले आमा! मुक्तिका लागि हास्दै मर्न देऊ ।

तारा राई " अनमोल"

पाँचकन्या- ७, आठघरे इलाम