अक्करैमा अल्झ्यो जीवन..........................!
आँखा चिम्ले अनि हेरें मनको खातापाता
हिसाब गरें जिन्दगीको रैछ घाटै घाटा
सम्झे उमेर गैसकेछ आधा जती उसै
फर्कदैनन बितेका दिन रूओँ जतिसुकै
मरी लानु के नै छ र? भनि हिंडे पहिले
पस्चातापको भुमरिमा जलिरहेछु अहिले
हिंड्नु पर्ने बाटै भरि रैछ काँडै काँडा
अक्करैमा अल्झ्यो जीवन नपुग्ने भो डाँडा
मनको वहाँ पोखुँ भने हाँस्लान मरी मरी
पागल सरी रोई-रोई हिंडु म कसरी
बिगतमा अन्धो भाको सम्झी राछु आज
आँफैदेखि आँफैलाई लागि राछ लाज
मर्मा पर्यो डढेलोमा भयो आत्था आत्था
खरानी झैं बिलाउने भो मेरो जीवनगाथा ।
बेद बहादुर रानामगर
नेपाल
No comments:
कमेन्ट मोडेरशन प्रकृयामा रखिएको छ तपाईंको कमेन्ट प्रकाशन हुन केही समय लाग्ने छ। र कमेन्ट दोहोर्याउन जरुरी छैन धन्यवाद र प्रतिक्रिया दिंदा जहीले सभ्य भएर दिनुहोला। -(भोजपुरे एडमिन परिवार)