कबिता

यस्तो पो दसैं !

सानो प्लास्टिकको झुपडीमा
दिनभर घामले उज्यालो चियाउँछ
रातीभरी जुनले हनिमुन मनाउँछ
चुलोमा आगो नबल्ने
लालाबाला भोका नाङ्गा छन्
छाक टार्ने समस्यामा म श्रमिकको
यस्तो पो दसैं !
दिनभर कामको खोजीमा िहंड्दा
देशले काम दिन सकेको छैन
मसँग भएको सीप र क्षमता
मुलुकले सदुपयोग गर्न सकेको छैन
तर मुलुकका संचालकले मस्ती गर्छन्
म बेरोजगार !
नाना छाना र दानाको खोजीमा छु
यस्तो पो दसैं !
विदेशमा सस्तो श्रम बेच्दा पिन
साहुले झुपडीको बास नै उठाउँछ
घरमा भएका बृद्ध बाबु आमा र लालबालको
गाँस बास र कपास सबै लुटिन्छ
धनको सट्टा जीवन शरण र मरणमा छ
तर जन्मुभूमि मातृभूमिको अस्त्वि गुमाउँदै
गुमनाम भएको म परदेशीको
यस्तो पो दसैं !

सुमन बैरागी
हर्मी-९ गोर्खा